Амбасада на САД: Време е да се фокусирате на борбата со корупцијата – клучен фокус на нашето стратешко партнерство
Американската амбасада го поздрави усвојувањето на Националната антикорупска стратегија 2021-2025 од страна на Собранието.
Препорачано
-Време е да се фокусирате на имплементација на стратегијата и важната работа која престои во борба со корупцијата – клучен фокус на нашето стратешко партнерство, стои во објавата на Амбасадата на САД во Скопје на нивниот Твитер налог.
The U.S. Embassy welcomes parliament’s adoption of the 2021-2025 National Anti-Corruption Strategy. Now it’s time to focus on the strategy’s implementation and the important work ahead to fight corruption – a key focus of our strategic partnership. pic.twitter.com/6T9V8rvAlj
— U.S. Embassy North Macedonia (@USEmbassySkopje) April 19, 2021
Парламентарното мнозинство во Собранието вчера, во рамките на 32. седница ја усвои Националната стратегија за спречување на корупција и судир на интереси 2021-2025 година, што претставува важен документ во борбата против високата корупција.
ВМРО-ДПМНЕ вчера не гласаше за овој важен и стратешки документ за борба против корупцијата во наредниот период.
Вицепремиерот Љупчо Николовски вчера во интервју за Сител зборуваше за решителноста на владата да се справи со корупцијата и криминалот дури и во своите редови што не беше случај со претходната владејачка гарнитура. Тоа го покажува случајот со поранешниот генерален секретар на Влада Драги Рашковски кој за набавка на софтвер под сомнителни околности во моментов е во домашен притвор и против него се води кривична постапка.
-Помина времето кога инситуциите не можеа ни имиња да спомнат на функционер, а не да влезат во други институции и да истражуваат. Непоколеблива е борбата против корупцијата и криминалот, и тоа е очигледно, почитувајќи ја презумпцијата на невиност. Ова со Рашковски потврдува дека нема недопирливи, институциите се последни, тие ќе кажат, ние во ниту еден момент не можеме да се мешаме во нивата работа. Затоа бараме и овој и кој било друг случај да се расчисти. Сите документи се доставени до истражните органи, и во фер и коректна постапка да се открие што се случило дали има вина или нема. Но, гледаме дека постојано се отвораат постапки, слободата која ја имаме не дозволува да се сокриваат предмети, нема селективност во тој дел. Институциите да бидат охрабрени, кои претходно беа покриени од режимот, кога еден човек беше и полицаец и обвинител и судија и тогаш видовме каква борба имаше против корупцијата, тогаш ВМРО ДПМНЕ не покренуваше постапки за своите, но сега, кога ги отворивме институциите, секој случај може да се реши до крај.“- изјави вицепремиерот за борба против корупција, Љупчо Николовски.
