Ракометарите на Алкалоид продолжуваат со доминацијата во домашното првенство, откако во рамки на 17. коло од Суперлигата убедливо го совладаа МРК Куманово со 42-25.

Екипата од Скопје уште од првата минута постави висок ритам и целосно ја контролираше играта. На полувреме веќе имаа комотна предност од 20-12, а во продолжение само го зголемуваа темпото и предноста, осигурувајќи си рутинска и висока победа.

Во редовите на победничката екипа дури тројца играчи постигнаа по шест гола – Серафимов, Борзаш и Петковски. Кај Куманово најрасположен беше Александар Стојков со пет погодоци.

Алкалоид со овој триумф ја продолжува успешната серија и ги потврдува високите амбиции за оваа сезона.