Алиоски за Биелса: Засекогаш ќе ти бидам благодарен, беше чест да учам од тебе!
Денеска Лидс јунајтед информираше дека Марсело Биелса не е повеќе менаџер на екипата после три и пол години соработка.
Под раководство на искусниот аргентински стратег во составот беше и македонскиот репрезентативец Езџан Алиоски.
Нашиот играч беше една од важните фигури во историското враќање на клубот после 16 години во Премиер лигата.
Една од најсилните европски лиги, а секако и самото знаење кое го доби од Биелса помогна доста во развојот на Алиоски како професионален фудбалер.
Нашиот фудбалер кој оваа сезона ги брани боите на Ал-Ахли од Саудиска Арабија се огласи преку социјалните мрежи да му се заблагодари на Биелса.
– Засекогаш ќе ти бидам благодарен за она што го направи за мене! Беше чест да работам со тебе и да учам од тебе! Ти благодарам Марсело Биелса – напиша Алиоски на „Твитер“.
Алиоски од 2017 до 2021 година во дресот на Лидс запиша 161 настап, реализирајќи вкупно 21 гол.
I will be forever grateful for what you are done for me! It was an honor to work with you and to learn from you! Gracias Marcelo Bielsa💙💛 pic.twitter.com/J9vtD2R2X1
— Ezgjan Alioski (@ezgjanalioski) February 27, 2022
