Амазон ја ажурираше „Алекса“, гласовниот асистент и еден од најпознатите производи, откако звучникот му рекло на десетгодишно девојче да стави паричка на полнач кој е делумно вклучен во штекер, пишува Би-Би-Си.

Девојчето побарало од „Алекса“ да предложи предизвик.

„Приклучете го полначот на телефонот околу половина пат во ѕиден штекер, а потоа допрете го со паричка“, кажал звучникот.

Амазон тврди дека ја поправил грешката во својот производ штом дознала за неа.

Мајката на 10-годишната Кристин Ливдал го опиша инцидентот на Твитер.

„Претходно сме правеле физички предизвици, како лежење и превртување држејќи чевел на нозе, од наставник по физичко на Јутуб.“, напишала мајката на Твитер.

OMFG My 10 year old just asked Alexa on our Echo for a challenge and this is what she said. pic.twitter.com/HgGgrLbdS8

— Kristin Livdahl (@klivdahl) December 26, 2021

Потоа Алекса предложила предизвик кој го „нашла на интернет“.

Опасен предизвик кој започна на ТикТок пред околу една година

Опасната активност, попозната како „предизвик со монети“, почна да се шири на социјалните мрежи, особено на ТикТок пред околу една година.

Металите спроведуваат електрична енергија и нивното вметнување во електрични приклучоци може да предизвика електричен удар, пожар и други оштетувања.

„Можете да изгубите прст или рака“, изјави Мајкл Класкер, менаџер на Источната противпожарна станица Карлајл.

Амазон се огласи преку соопштение

Мајката на девојчето изјави дека интервенирала кога слушнала што ѝ предложила Алекса на нејзината ќерка.

„Не, Алекса, не!“, напиша таа на Твитер.

Сепак, таа рече дека нејзината ќерка е „премногу паметна за да направи такво нешто“.

Амазон во изјава за Би-Би-Си рече дека го ажурира Алекс за да го спречи да предложи таква активност во иднина.

„Довербата на клиентите е во срцето на сè што правиме, а „Алекса“ е дизајнирана да им обезбеди на клиентите точни, релевантни и корисни информации“, се вели во соопштението на Amazon.