Ако ви е здосадено од шопска салата: Панзанела ќе ги разбуди вашите сетила
Оваа италијанска салата е совршено уживање за летните денови. Може да ја послужите како предјадење, главен оброк ако ме мачат жештините, или како придружба на месо, риба или чаша вино.
Потребни состојки:
– 8 парчиња бајат леб, во рустикален стил, исечени на коцки
– 1 краставица исечкана на коцки
– 4 домати, зрели, тенко исечени (плус дополнително за сервирање)
– 1 црвен кромид, тенко исечен
– листови босилек, искинати на мали парчиња
– 100 мл екстра девствено маслиново масло
– 3 лажици вински оцет
– сол и бибер
– моцарела или бурата
Начин на подготовка:
– Исечениот леб запечете го во тава на маслиново масло и оставете го да се излади. Изладен префрлете го во голема чинија за салата. Додадете ги краставицата, доматите, кромидот и босилекот.
– За да го направите преливот, изматете ги маслиновото масло и оцетот во помал сад и зачинете со сол и бибер.
– Прелијте ја салатата со преливот и измешајте ја темелно, а потоа ставете ја во фрижидер додека не сте подготвени за послужување.
– Префрлете ја салатата на поединечни чинии за сервирање, со некои дополнителни парчиња домати и листови босилек, по желба и врз неа ставете парченца моцарела или расечена бурата.
