Ајкула го уби актерот од „Пиратите од Карибите“ додека сурфал на Хаваи

Тамајо Пери во „Пиратите од Карибите“ / Фото: WALT DISNEY PICTURES - MOUNTAIN, PETER - Album / Album / Profimedia

Легендарниот сурфер Тамајо Пери (49), кој глумеше во филмот „Пиратите од Карибите“, почина во неделата од напад на ајкула додека сурфал на брегот на Оаху, Хаваи.

Безживотното тело на Пери било пронајдено од локални сурфери во близина на плажата Малакахан на северниот брег на Оаху, без рака или нога, пишува „Стаб магазин“.

Присутните кои го виделе телото велат дека, судејќи по видливите повреди, можно е Пери да претрпел многу повеќе од еден каснување од ајкула. Спасувачите потоа го изнесле Пери на брегот со џет-ски, а болничарите веднаш констатирале смрт, изјавиле официјални лица на прес-конференција.

Пери е роден во 1975 година, израснал на источната страна на Оаху, а својата кариера ја изградил на Северниот брег, и како професионален сурфер, а подоцна и како спасител.

Почнал да сурфа на 12-годишна возраст, а додека бил тинејџер, Пери се сметал за „тивко локално момче кое морало да позајмува даски за сурфање бидејќи немало спонзори“.

Пери беше широко признат како еден од најистакнатите сурфери на „Пајплајн“ – привлекувајќи внимание со својата насмевка и лежерна сталоженост додека се бореш со големите бранови.

Неговата харизма и вештини му донесоа и улоги во хитовите од 2002 година „Изгубени“, „Пиратите од Карибите“ и „Хаваи 5-0“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот