Адеми со два гола го однесе Динамо Загреб во Лигата на Европа (ВИДЕО)

epa08674089 Players of Dinamo Zagreb celebrate a goal during the UEFA Champions League qualifying match between Ferencvaros and Dinamo Zagreb in Groupama Arena in Budapest, Hungary, 16 September 2020. EPA-EFE/Szilard Koszticsak HUNGARY OUT

Македонскиот репрезентативец Аријан Адеми и неговиот тим Динамо Загреб обезбедија пласман во групната фаза во Лигата на Европа, откако во последното квалификациско коло со 3:1 ја совладаа Флора Талин.

Токму Адеми е најзаслужен за триумфот на хрватскиот тим постигнувајќи два гола во победата која им обезбеди европска есен.

Динамо поведе со голот на Гаврановиќ во 11. минута, а во 26. минута Адеми му носи водство на својот тим од 2:0.
Во второто полувреме, естонскиот тим внесе резултатска неизвесност со голот на Синјавски во 65. минута, но точка на натпреварот и разрешување на дилемите околу победникот стави токму Адеми со својот втор гол.


Пласман во групната фаза во ЛЕ обезбеди и Црвена звезда која во Кипар со 2:1 го совлада ерменскиот Арарат. Катаи и Фачинели им донесоа предност на „црвено-белите“, а тимот на Арарат успеа само преку Лима да го намали резултатот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот