Денеска во рамките од третото коло во Втората македонска фудбалска лига (2МФЛ) екипата на Вардар ремизираше на гостувањето кај Детонит Плачковица со 1:1. Иако скопските „црвено-црни“ ја имаа фаворитската улога, но истата не ја оправдаа на теренот во Радовиш.

Пред паузата Вардарци дојдоа први до предност, Николовски беше фаулиран во казнетиот простор, а сигурен од белата точка беше капитенот Мицевски. Израмнувањето се случи во 70 минута, грешката на дефанзивецот на Вардар Ристески ја казни домашниот играч Ѓорѓиев.

Пелистер ја забележа и втората победа сезонава остварена на гостувањето кај Арсими, стрелец на единствениот гол за битолчани беше Дуков во 62 минута.

Екипата на Воска Спорт ја забележа и третата победа во низа, убедливо славеше кај Саса со 0:4. Сите дилеми околу победникот беа решени уште во првото полувреме кога гостите водеа со 0:3. Два гола запиша Јашароски, а по еден Фета и Љума.

Втора македонска фудбалска лига

3. коло, резултати –

Арсими – Пелистер 0:1
Беса 1976 – Гостивар 1:1
Борец – Тетекс 2:4
Детонит Плачковица – Вардар 1:1
Караорман – Беласица 3:1
Лок. Скопје – Слога Виница 0:0
Охрид – Кожуф Гевгелија 0:0
Саса – Воска Спорт 0:4

Табела:

1.Воска Спорт 9 бодови
2.Детонит Плачковица 7
3.Пелистер 7
4.Вардар 7
—
5.Гостивар 7
6.Слога Виница 5
7.Беса 1976 5
8.Караорман 4
9.Охрид 4
10.Беласица 3
11.Тетекс 3
12.Арсими 3
13.Кожуф Гевгелија 1
14.Лок. Скопје 1
—
15.Саса 0
16.Борец 0