Мајките би направиле се за своите деца, а во случајот на мајката на Никол Кидман тоа подразбирало нејзината ќерка да и удира шлаканици за што подобро да се подготви за сцената која ја снимаше во серијата „Big Little Lies”.

Пред емитувањето на финалната сезона на оваа серија, Кидман се присетила на сцената во која и удрила шлаканица на Мерил Стрип, која ја глуми нејзината свекрва Мери Луис.

Еден водител ја прашал дали актерите учат да удираат шлаканици во училиштето за глума?

„Всушност да. Бев загрижена во врска со таа сцена, па вежбав на мојата мајка“, изјави оскаровката и додаде дека тоа бил „лажен шамар“ и дека нејзината мајка се согласила да биде „мета“ на оваа вежба.

„Она стои, а друга личност надгледува за да види дали тоа делува реалистично. Мојата мајка се согласи на тоа, па на крајот тоа почнавме да го правиме пред повеќе луѓе“, истакна актерката.

И покрај тешкото вежбање, сцената во која таа всушност треба да ја удри постарата колешка била повторувана околу 30 пати.

„Се беше совршено испланирано, но се грижев да не погрешам и навистина да ја удрам Мерил преку лицето“, откри Никол Кидман.

Ова е сцената во која е изведена драматичната шлаканица: