Фановите на Евровизија кои ги следат полуфиналните вечери ќе забележат дека претставникот на Велика Британија како и 4 други земји, познати како „големата петорка“ имаат загарантирано место во големото финале на Евровизија. и додека многумина се прашуваат кој фактор е клучен за оваа одлука, одговорот е едноставен и се сведува само на една работа – пари, пишува „Сан“.

Имено, „Големата петорка“ (Big Five) се најголемите финансиски соработници на Европската дифузна унија (EBU) – организацијата која ја раководи Евровизија. Овие пет членки се меѓу најголемите финансиери на натпреварот, а нивните средства помагаат да се покријат вртоглавите трошоци за организирање на овој годишен спектакл.

Според правилата на Евровизија, тие добиваат диретен пласман во големото финале, што значи дека нивните изведувачи ги прескокнуваат гласовите на публиката и жирито во полуфиналето. Овој аранжман беше воведен во 2000 година, првично за тогашната „Голема четворка“ (Британија, Франција, Германија и Шпанија), а Италија се приклучи во 2011 година.

Кои земји го прескокнуваат полуфиналето во 2026 година?

За Евровизија 2026, има пет земји кои се однапред квалификувани за големото финале во сабота, 16 мај:

• Велика Британија
• Франција
• Германија
• Италија
• Австрија (домаќин)

Австрија го заслужи своето место со победата на натпреварот во Базел во 2025 година, кога изведувачот JJ го освои трофејот со поп-опера баладата „Wasted Love“.

Шпанија официјално сè уште е дел од „Големата петорка“, но годинава воопшто нема да се појави во Виена. Националниот сервис RTVE ја повлече земјата од натпреварот поради континуираното учество на Израел.

Автоматските квалификанти сепак добиваат шанса да ги претстават своите песни во полуфиналните вечери, но тие настапуваат надвор од конкуренција. Италија и Германија се појавија во првото полуфинале (вторник, 12 мај), додека Франција, Австрија и Велика Британија ќе излезат на сцената во второто полуфинале во четврток, на 14 мај.

Останува да видиме дали Look Mum No Computer конечно ќе успее да ја прекине долгогодишната „суша“ на победи за Британија кога завесата ќе се подигне оваа сабота.