Британецот во првото коло на Ролан Гарос доживеа убедлив пораз од Станислас Вавринка во три сета со 6:1,6:3,6:2.

По поразот на Мареј кој последните две години ретко игра тенис поради повредата и двете операции на колкот, Британецот доби сериозни критики од аналитичарот на телевизијата „Евроспорт“, Матс Виландер.

– Би сакал Енди Мареј да ни каже зашто е на теренот и зашто на сите ни дава лажна надеж дека ќе се врати во старата форма. Искрено, загрижен сум за него. Зашто тоа го прави? Јас го направив истото и погрешив, не морав да се враќам. Тоа е мојата најголема грешка во кариерата. Енди Мареј мора сериозно да размисли – дали има право да користи специјални покани и да биде на теренот со што им го зема местото на младите тенисери – вели Виландер.