Кошаркарите на ТФТ од Скопје загубија со 101:86 од српскиот клуб Златибор во првиот натпревар од четвртфиналната фаза на АБА 2 лигата.

Македонскиот претставник ќе мора да оди на победа во вториот меч закажан за 24 март во нашиот главен град доколку сака да обезбеди мајсторка на 31 март во Чајетина.

Најефикасни во редовите на ТФТ беше Виктор Ташовски со 18 поени, следен од Ентони Говенс со 17, а 12 запиша Георги Зафиров.

На спротивната страна Немања Протиќ забележа 16 поени, Лазар Јоксимовиќ 15, а Стефан Савиќ, Иван Смилјаниќ и Кристофер Хантер имаа по 13.

Во останатите четвртфинални натпревари од плејофот ќе се соочат Широки – Јахорина, Сутјеска – Слобода Тузла, и Војводина – Хелиос. Потребни се две победи за пласман во полуфиналето.