Македонскиот натпреварувач Матеј Белистојаноски имаше одличен настап и се закити со златото на престижната Карате 1 Серија А лига во Тбилиси, Грузија.

Белистојаноски блесна на вториот ден од Карате 1 Серија А турнирот во Тбилиси, Грузија, каде со шест последователни победи заслужено стигна до златниот медал во категоријата -67 кг.

Во истата категорија до среброто дојде Вакхоб Абдул Рашидов од Узбекистан, а бронзени медали имаат Олжас Алтинбек од Казахстан и Владислав Велко од Украина.

Со овој врвен резултат, тој го обезбеди првиот меѓународен медал за Македонија во 2026 година и уште еднаш го потврди својот квалитет на големата меѓународна сцена.

Со надеж дека овој одличен успех на Белистојаноски ќе биде силен мотив и поттик за останатите натпреварувачите од Македонија, кои на последниот ден од турнирот ќе настапат со уште поголема самодоверба и ќе се вратат дома со нови медали.