Синоќа се одржа јубилејното 80. издание на свеченото доделување на филмските награди Златен глобус. Сепак, годинашното издание беше важно и поради една поголема и посуштинска причина.

Организаторите на овој свечен настан се обидоа се искупат за скандалот кој го оцрни угледот на филмските награди во 2021 година. Имено, „Лос Анџелес тајм“ објави статија во која откри дека ниту еден од членовите на „Холивудското здружение на странски новинари“ („Hollywood Foreign Press Association“), кое е организатор на настанот, не е припадник на друга раса, освен белата.

По скандалот, актерот Том Круз ги врати своите Златни глобуси, националната телевизија „Ен-би-си“ одби да го емитува доделувањето на наградите, а „Холивудското здружение на странски новинари“ мораше да направи промени во своето членство.

Домаќинот на годинашните Златни глобуси, комичарот Џерод Кармајкл ја започна вечерта со кратко објаснување како станал водител на церемонијата.

„Тука сум затоа што сум црнец“, кажа тој, шегувајќи се.

По неговиот вовед, започна доделувањето на наградите, кои се своевидно признание за одличноста на професионалците од филмската индустрија.

Филмот „The Banshees of Inisherin“, кој имаше најмногу номинации – дури осум, ја понесе статуетката во категоријата „Најдобар филм од жанрот мјузикл или комедија“, актерот Колин Фарел победи во категоријата „Најдобар актер во филм од жанрот мјузикл или комедија“, а сценаристот Мартин Мекдона ја доби наградата за „Најдобро сценарио“.

Филмот „Everything Everywhere All at Once“, кој беше номиниран во шест категории, беше награден со две статуетки – актерката Мишел Јео победи во категоријата „Најдобра актерка во филм од жанрот комедија или мјузикл“, а актерот Ке Хуј Куан победи во категоријата „Најдобар актер во споредна улога во филм од секој жанр“.

Главниот фаворит „The Fablemans“ победи во категоријата „Најдобар филм од жанрот драма“, а режисерот Стивен Спилберг беше прогласен за најдобар режисер.

Една од главните ѕвезди на вечерта беше младиот актер Остин Батлер кој беше прогласен за „Најдобар актер во филм од жанрот драма“ за својата улога во филмот „Elvis“.

Што се однесува до телевизиските категории, комичната серија „Abbott Elementary“ беше номинирана во пет категории и победи во категоријата „Најдобра телевизиска серија од жанрот комедија“. Актерката Квинта Брансон ја понесе статуетката во категоријата „Најдобра актерка во телевизиска серија од жанрот комедија“, а актерот Тајлер Џејмс Вилијамс победи во категоријата „Најдобар актер во споредна улога во телевизиска серија“.

Телевизиската серија на „Ејџ-би-о“, „The White Lotus“ беше номинирана во четири категории и доби две награди – „Најдобра кратка телевизиска серија“ и „Најдобра актерка во споредна улога во кратка телевизиска серија“ за актерката Џенифер Кулиџ.

Серијата „House of the Dragon“ беше вистинско изненадување на вечерта и победи во категоријата „Најдобра телевизиска серија од жанрот драма“.

Исто така, продуцентот Рајан Марфи ја доби наградата за животно дело, а актерот Еди Марфи е годинашниот добитник на престижната награда „Сесил Б. Демил“.

Во продолжение, прочитајте ги годинашните победници во главните категории.

Филмски категории

„Најдобар филм од жанрот драма“

• „Avatar: The Way of Water“
• „Elvis“
• „The Fabelmans“ – победник
• „Tár“
• „Top Gun: Maverick“

„Најдобар филм од жанрот комедија или мјузикл“

• „Babylon“
• „The Banshees of Inisherin“ – победник
• „Everything Everywhere All at Once“
• „Glass Onion: A Knives Out Mystery“
• „Triangle of Sadness

„Најдобар филм од неанглиско јазично подрачје“

• „All Quiet on the Western Front“
• „Argentina, 1985“ – победник
• „Close“
• „Decision to Leave“
• „RRR“

„Најдобар анимиран филм“

• „Guillermo del Toro’s Pinocchio“ – победник
• „Inu-Oh“
• „Marcel the Shell With Shoes On“
• „Puss in Boots: The Last Wish“
• „Turning Red“

„Најдобар режисер“

• Џејмс Камерон, „Avatar: The Way of Water“
• Даниелс, „Everything Everywhere All at Once“
• Баз Лурман, „Elvis“
• Мартин Мекдона, „The Banshees of Inisherin“
• Стивен Спилберг, „The Fabelmans“ – победник

„Најдобро сценарио“

• Тод Филд, „Tár“
• Даниелс, „Everything Everywhere All at Once“
• Мартин Мекдона, „The Banshees of Inisherin“ – победник
• Сара Поли, „Women Talking“
• Стивен Спилберг и Тони Кушнер, „The Fabelmans“

„Најдобар актер во филм од жанрот драма“

• Остин Батлер, „Elvis“ – победник
• Брендан Фрејзер, „The Whale“
• Хју Џекмен, „The Son“
• Бил Наји, „Living“
• Џереми Поуп, „The Inspection“

„Најдобра актерка во филм од жанрот драма“