Зимска чорба (РЕЦЕПТ)
Подготвите ја оваа превкусна чорба и стоплете си ја душата во зимските денови.
Од намирници потребни ви се.
1 страк праз
2 моркови
1 целер
100 грама зелка
малку грашак
бибер во зрна
50 грама ориз
1 свежа пиперка
масло за јадење
ловоров лист
сол и црн бибер
Подготовка:
Најпрвин измијте ги и убаво исечкајте го зеленчукот на ситни коцки.
Откако ќе завршите со постапката за сечкање, едно по едно ставајте ги зеленчуците да се пржат. Во тавата ставете го првин морковот, па кратко пропржете го, а потоа додавајте ги и зеленчуците еден по еден. Кога ќе ги ставите сите зеленчуци и кога заедно ќе ги пржите околу 10 минути, во нив додадете вода и оставете ги да се динстаат.
Откако целиот зеленчук ќе омекне, додајте ги и потребните зачини за подготовка на овој исклучително здрав рецепт.
Варете околу половина час. Потоа, подготвената чорба тргнете ја од оган и јадете ја во следните неколку денови.