Ракометниот шампион во женска конкуренција, тимот на Ѓорче Петров освои турнир кој се играше во Ѓаковица.

„Лавиците“ од Ѓорче прво беа убедливо подобри од домаќинот Шќипоња со 47:18, додека во финалето играа против младинската селекција на Бугарија.

Бугарките во полуфиналниот дуел беа подобри од врсничките од Косово со 29:17, но во финалето со македонскиот шампион немаа апсолутно никакви шанси.

Ѓорчепетровки повторно постигнаа 47 голови, а примија 27, па така славеа со 20 голови разлика. Турнирот македонските претставнички го завршија со трофеј, но импресивни се и 94-те постигнати голови.

За МВП на турнирот беше прогласен, Ангела Јанкуловска од Ѓорче Петров. Со овој триуф ракометарките од Ѓорче во одлична форма го дочекуваат стартот од плеј-офот каде што прво ќе се соочат со Пелистер.