Педесет и едногодишната М.Б. од Кавадарци е неправосилно осудена на 10 години затвор затоа што го убила и запалила партнерот, 71-годишниот И.М. од Кавадарци откако тој ѝ вршел семејно насилство, објави Сакам да кажам.

Телото на починатиот беше пронајдено лани на 8 септември. Жената била во домот на И.М. со кого била во љубовна врска, го повредила со остар предмет го запалила и го напуштила местото.

„Обвинетата го признава делото во целост. Од доказите не може да се заклучи дека го сторила делото во нужна одбрана бидејќи по неколкуте убоди партнерот паднал на земја а таа продолжила да му нанесува нови убоди. Ниту ова е убиство од миг или стеснета свест, образложила судијката Габриела Гајдова.

Обвинетата пред да го изврши убиството, била физички малтретирана. Жената останува во притвор до правосилноста на пресудата.