Синот на Амди Бајрам, Габриел Бајрам пријавил во полиција дека му била фрлена бомба во дворот на семејната куќа.

На 03.10.2021 во 00,13 часот во СВР Скопје Г.Б.(40) од Скопје пријавил дека на 02.10.2021 околу 23.56 часот во дворно место од куќа во негова сопственост на подрачје на Чаир непознат сторител фрлил експлозивна направа која предизвикала оштетување на ограда, врата, прозорци и фасада на куќата. Нема повредени лица. Известен јавен обвинител и се преземаат мерки за расчистување на случајот, соопштија од МВР.

Попладнево на прес конференција, Габриел соопшти дека нема нема повредени лица, но има материјална штета во објектот.

На ова, како што тврди Габриел Бајрам, претходеле и закани по неговиот живот кои биле упатени преку видео повик од маскирани лица, доколку не се повлече од кампањата за локалните избори.

Габриел Бајрам е на советничката листа на СДСМ за град Скопје на претстојните локални избори како кандидат број 10.