Бугарија е голем пријател и прави се што е неопходно во нејзина функција за да се постигне решение за отворените прашања, изјави премиерот Зоран Заев.
– Ние не сме многу далеку од договор, но треба да имаме добра волја и да гледаме позитивно и да ја имаме проектирано иднината пред нас. Верувам дека договорот ќе се случи до вториот Совет на министрите на Европската унија на 8, 9 или 10 декември, а ќе имам и средба со бугарскиот премиер Бојко Борисов. Верувам дека и работните групи, коишто контактираат интензивно, ќе створат атмосфера за тоа, вели Заев.
Премиерот додаде дека периодот до декември треба максимално да се искористи, потенцирајќи дека се бара решение, а не отстапки.
