За Бејтулаи дуелот со Тотенхем не е „невозможна мисија“! (ВИДЕО)
Фудбалерите на Шкендија предводени од тренерот Ернест Ѓока се подготвуваат за можеби најголемиот предизвик сезонава, натпреварот в четврток во Скопје (20.00 часот) против Тотенхем.
Доколку тетовските „црвено-црни“ направат изненадување против фаворитот во плеј-офот како последна пречка за пласман во групната фаза на Лига Европа ќе се соочат со рускиот Ростов или израелскиот состав на Макаби Хаифа.
Мурињо пред Шкендија: Ваквите мечеви се потешки од оние во групната фаза!
Македонскиот репрезентативец Егзон Бејтулаи кој настапува во одбранбениот дел најавува дека Шкендија не оди со бело знаме и во позитивна атмосфера го очекува мечот против премиерлигашкиот гигант од Лондон.
– Шкендија е повеќе од клуб, тоа е љубов, пасија и начин на живот. Како фудбалер секогаш сонувате да играте во големи натпревари. Се има можноста да се игра против големи клубови и тоа ќе се случи в четврток. Во ваквите натпревари треба да уживате, мислам дека не е „невозможна мисија“ – вели дефанзивецот на Шкендија, Бејтулаи.
Шкендија го најавува натпреварот против Тотенхем споделувајќи ги своите очекувања, видео записот можете да го погледнете ТУКА