Мурињо пред Шкендија: Ваквите мечеви се потешки од оние во групната фаза!
Менаџерот на Тотенхем, Жозе Мурињо потврди дека Деле Али ќе биде меѓу патниците за Скопје каде ќе го играат утрешниот натпревар против Шкендија во третото квалификациско коло на Лига Европа.
Португалскиот стратег смета дека англискиот репрезентативец Али ќе ја има шансата за настап, а во составот нема да биде новото летно засилување од Реал Мадрид, Серџо Регулион кој не е ниту во УЕФА листата.
? @dele_official #THFC ⚪️ #COYS pic.twitter.com/Wix6H7dkAY
— Tottenham Hotspur (@SpursOfficial) September 23, 2020
Мурињо ќе направи силен состав за дуелот в четврток на Националната арена „Тодор Проески“ кој ќе стартува од 20.00 часот.
– Од секогаш сум кажувал дека Деле Али ќе ја добие шансата, ќе биде важно за него да ги покаже перформансите. Сакаме пласман во групите на Лига Европа. Но, мислам дека овие нокаут мечеви се потешки од оние во групната фаза со четири екипи и шест натпревари.
?️ Jose delivers the latest ahead of tomorrow's trip to KF Shkëndija.
? ⤵️ Watch the full press conference on YouTube.#THFC ⚪️ #COYS
— Tottenham Hotspur (@SpursOfficial) September 23, 2020
Во претходното квалификациско коло дури и со силен тим кој го имавме во Бугарија, бевме на 15 минути од елиминација. Значи, во вакви мечеви не смееме да ризикуваме – вели Мурињо.
Неговите играчи веќе тренираат и ја темпираат формата за натпреварот против Шкендија.
