Претседателот на Србија Александар Вучиќ денеска од митинг ги навреди новинарите од дописништвото на јавниот сервис РТС во Ниш затоа што известувале на начин што не му се допаѓал од големиот собир на студентите во српскиот град, кој се одржа викендов. Државната телевизија го осуди Вучиќ за навреда на нивниот репортер Лидија Георгиев, на која Вучиќ реферираше како на „имбецилите од нишкото дописништво“.

„Претседателот, исто така, тврдеше дека бил жртва на „неуставен“ обид на западните шпионски агенции да го соборат или дури и да го убијат, а блокадите на патиштата, железниците и институциите во Србија во изминатите месеци ги нарече незаконски, додека за целите на протестите рече дека се „измислени, суштински непостоечки барања“ на малцинството од луѓето од земјата.

Вучиќ потоа се извини за навредата кон Георгиев, која директно ја нарече „имбецил во пактот со демонстрантите“ поради известувањето за студентските демонстрации.

И покрај „извинувањето“, тој веднаш ги повтори своите напади врз новинарите на РТС кои, според неговите зборови, не биле објективни, наведувајќи дека ја „оцрнуваат нивната професија“. Вучиќ исто така рече дека„тие не се новинари, туку политички активисти“.