Вучиќ: Ќе ја зачуваме стабилноста, мојот збор значи повеќе од многу потписи во регионот и во Европа

Александар Вучиќ го претстави планот Србија 2027 - Фотографија ЕПА, Андреј Чукиќ

Претседателот на Србија, Александар Вучиќ денеска по средбата со германскиот министер за одбрана Борис Писториус во Белград изјави дека разговорот бил отворен и искрен од двете страни, без ракавици и порачал дека Србија ќе ја зачува стабилноста во регионот и дека неговиот збор значи повеќе од многу потписи во регионот и во Европа.

„Разговаравме за стабилноста во регионот и потребата да имаме различни ставови, особено во однос на Косово. Се согласуваме дека стабилноста и мирот се од клучно значење, не само за луѓето од Западен Балкан, туку и за да речеме, во цела Европа и дека никој не е во интерес на каква било ескалација и нестабилност“, рече Вучиќ во обраќањето на заедничката конференција со Писториус.

Вучиќ истакна дека е точно оти, како што рече Писториус, дал збор дека Србија нема да изненади никого со своите воени или какви било други потези, но ќе ја зачува стабилноста.

„И мојот збор, патем, значи многу повеќе од многуте потписи што ги видов и во регионот и во Европа. Тоа е од наш голем и огромен интерес“, рече Вучиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот