Втор случај на лепра во Грција

ФОТО: МИА

Во болницата во градот Патра, хоспитализирана е 65-годишна жена со лепра, објави грчката државна телевизија ЕРТ, а според медиумите, ова воедно е и втор случај на лепра во државата, јави дописничката на МИА од Атина.

Според ЕРТ, жената која е по потекло од Албанија е изолирана во Клиниката за дерматологија, а во болницата се преземени сите неопходни мерки за спречување на ширењето на болеста.

Пред неколку дена, грчките медиуми објавија дека случај на лепра бил регистриран во атинска болница.

Професорот по микробиологија во конкретната болница Спирос Пурнарас, за грчките медиуми го потврди случајот и рече дека повремено постојат случаи, имало и во 2020 година и не е потребна загриженост.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот