„Врба“ со премиера на фестивал во Тајпеј

Филмот „Врба“ во режија на Милчо Манчевски, за една недела ги собори рекордите со над 11.000 гледаност низ земјава, а сега продолжува да го освојува и азискиот дел од светот. Азиската премиера ќе биде на 13 ноември во Тајпеј, Тајван, на еден од најголемите филмски фестивали во Азија.

Филмскиот фестивал Златен коњ (Golden Horse) во Тајпеј се одржува од 11 до 24 ноември, а Манчевски годинава е еден од тројцата автори во фокусот, и освен премиерата на „Врба“ ќе има и ретроспектива на неговиот опус, а тој ќе одржи и мастерклас.

По премиерната проекција на „Врба“ предвидена е и сесија прашања и одговори со режисерот Манчевски. Филмот ќе биде прикажан уште два пати во рамки на фестивалот, на 14 и 19 ноември.

Во чест на Манчевски како автор во фокусот, ќе бидат прикажани и неговите филмови „Пред дождот“, „Прашина“ и „Мајки“.

Филмскиот фестивал во Тајпеј, кој постои од 1962 и е еден од најстарите во Азија е конгломерат во кој се споени престижните награди Златен коњ за најдобар филм од азиски автор, промоцијата на светските филмови и филмската академија.

Прочитајте и...  ВО ЖИВО: Скептиците кои не веруваат во коронавирусот демонстрираат во Лондон

Инаку, „Врба“ својата светска премиера ја имаше на Римскиот филмски фестивал на 19 октомври. Од 1 ноември филмот е на репертоар во скопските кина Синеплекс и Милениум. Филмот се прикажува и во Битола, Штип, Охрид, Кичево, Струга, Прилеп, Крива Паланка, Свети Николе, Од денеска и во Гевгелија. Од 11 ноември ќе се прикажува во Куманово, Радовиш и Неготино, во Виница на 13ти, во Кочани, Богданци и Македонска Каменица од 14ти, Крушево 16ти и Струмица 25 ноември. За само една недела досега го виделе над 11.000 гледачи.

Филмот е во продукција на „Банана филм“ и е македонско-унгарско-белгиска копродукција, со учество и на Албанија.

Главните улоги режисерот ги довери на младите актери: Никола Ристески, Сара Климоска, Наталија Теодосиева, Ненад Нацев и на веќе искусната Камка Тоциновски. Покрај нив во филмот играат и Петар Мирчевски, Благој Чоревски, Ратка Радмановиќ, Ана Костовска, Лазе Манасковски, Катина Иванова, Кире Ѓоревски, Адем Карага, Јелена Јованова Периќ и други.

Прочитај повеќе

Столе Попов добитник на „Голема ѕвезда на македонскиот филм”, Јануш Зигмунд Камински на „Златна камера 300″

Бели гаќи и црвени влечки-идеален моден аутфит во трговски центар во Сплит

Слободен печат

Трамп: До април ќе имаме доволно вакцини за секој Американец (ВИДЕО)

Маријана Митровска

Уште две дечиња од струмичката градинка позитивни на Ковид-19

Маријана Митровска

Пендаровски: Благодарение на фестивалот „Браќа Манаки“, Битола и нашата држава се препознаени во светот на седмата уметност (ФОТО)

Маријана Митровска

Од 5.179 до 690 евра: Која земја на ЕУ има најголема, а која најниска просечна бруто плата

Маријана Митровска

Остави Коментар

Прочитај повеќе

Папата Франциск до светските политичари: Овозможете вакцината да биде достапна и на најсиромашните

Преглед на состојбата со Ковид-19 во светот

Франција даде зелено светло за употреба на тестови на плунка

МИА Агенција

За два дена во Црна Гора избувнале 56 пожари

Слободен печат

Повеќе од двесте илјади луѓе починаа од ковид-19 во САД

Слободен печат

Десетици демонстранти, повеќето жени, уапсени во Белорусија (ФОТО+ВИДЕО)

Маријана Митровска