Најмалку четири лица се убиени, а 12 се повредени во пукотница што се случила во Лиланд, во американската држава Мисисипи, соопштија денес официјални лица.

Градоначалникот на Лиланд, Џон Ли, изјави за Си-Би-Ес њуз дека пукотницата се случила околу полноќ, а четири повредени лица се префрлени со хеликоптер во локалните болници.

Според градоначалникот,  во градот имало повеќе луѓе поради традиционалниот натпревар на локалното средно училиште со средното училиште од Чарлстон.

Лиланд е мал град во округот Вашингтон, со околу 4.000 жители.

Полицијата започнала истрага, но засега не се уапсени осомничени лица.