-4 C
Скопје

Во Парагвај пронајдени тела во фаза на распаѓање кои пристигнале во контејнер од Србија (ВИДЕО)

Парагвајските власти објавиле дека се пронајдени седум тела во фаза на распаѓање во контејнер со ѓубриво, кој бил испратен од Србија пред три месеци.

Контејнерот бил доставен претходно оваа недела преку Аргентина до речното пристаниште во предградието на Асунсион, главниот град на Парагвај, објави Ројтерс.

Телата биле откриени денес, кога менаџерите на компанијата што го купила производот ги отвориле контејнерите, изјавил обвинителот Марсело Салдивар.

Тој посочил дека можеби починале слепи патници и соопштил дека парагвајските власти ќе контактираат колеги во Србија за да ги идентификуваат жртвите.

„Тргнуваме од фактот дека тие провалиле во контејнерот за да бидат пренесени од таму до тука. Очигледно, тие не ја пресметале далечината добро и не го преживеале патувањето“, изјавил тој.

Прочитајте и...  Брнабиќ: Србија троши повеќе од 700.000 евра дневно за тестови за ковид-19

Обвинителот објави дека во две лица пронашле лични документи, кои покажуваат дека се Мароканци и додал дека е пронајдена сметка на такси компанија од Србија, што укажува на тоа дека влегле во контејнерот во Србија.

„Претпоставуваме дека тие пристигнале таму од нивната земја и дека планирале да патуваат до најблиската дестинација, но тие не го пресметале растојанието добро и не го преживеале патувањето“, вели Салдивар.

Тој додал дека во делот од контејнерот каде што биле телата, биле пронајдени храна, вреќи со облека и отвор за вентилација.

„Сите тела се во фаза на распаѓање. Останале само коса и коски“, соопштил Салдивар.

Тој заклучил дека ќе се провери трасата на контејнерот, како и дека ќе бидат прегледани мобилните телефони, кои биле пронајдени заедно со телата.

Прочитајте и...  Нов сообраќаен режим околу Т.Ц. Буњаковец

Поврзани вести

С. Македонија и Албанија ќе потпишат спогодба за менаџирање на риболовот на Охридското и Преспанското Езеро

Сашко Димовски

Е-настан „Соларна енергија во Скопје – предизвици и можности”

Слободен печат

Во организација на ССНМ и МИМ: Онлајн работилница за предизвиците на новинарите за време на ковид-кризата

Слободен печат

Со лесни дроги „ќе ги лечиме“ тешкотиите во угостителството

Соња Христовска Угриновска

Порталот „Слободен печат“ од денеска на пет регионални јазици

Марина Дамческа

Метео: Сончеви периоди и температури до 11 степени

Слободен печат

Остави Коментар