Претседателски кандидат во Еквадор, Фернандо Вилависенсио, синоќа бил застрелан на крајот од предизборниот митинг во Кито, а извршителот на убиството набрзо бил идентификуван, но им подлегнал на повредите при апсењето. На видеата од предизборниот митинг, објавени на социјалните мрежи, се гледа како луѓе трчаат и врескаат додека се слушаат пукотници во кои е убиен 59-годишниот претседателски кандидат.

Осомничениот сторител умрел од повредите здобиени за време на апсењето, објави канцеларијата на јавниот обвинител. Партијата Мовимиенто Контрује на Вилависенсио објавија дека вооружени лица ги нападнале нејзините канцеларии во Кито.

„Во спомен на неговата борба, ве уверувам дека ова злосторство нема да остане неказнето“, напиша претседателот Гиљермо Ласо.

Тој додаде дека организираниот криминал во земјата „ја преминал границата“ и им порача на сторителите дека „целата тежина на законот ќе падне врз нив“.

BREAKING: Ecuadorian Presidential Candidate Fernando Villavicencio has reportedly been assassinated at a campaign rally.

***The following video is the suspect who was captured at the rally***

According to reports, Villavicencio was shot three times in the head and a grenade was… pic.twitter.com/Eux659jzYw

— Collin Rugg (@CollinRugg) August 10, 2023

Ласо најави свикување итен состанок на високи безбедносни функционери. Според анкетите на јавното мислење, центристот Вилависенсио имал поддршка од 7,5 отсто од гласачите, со што бил на петтото место меѓу осумте претседателски кандидати во првиот круг од претседателските избори закажани за 20 август.

Вилависенсио, од провинцијата Чимборазо на Андите, бил поранешен член на синдикатот во државната нафтена компанија Петроекуадор, а подоцна како новинар ги посочил наводните милионски загуби во договорите за нафта. За нафтениот бизнис тој во вторникот поднел пријава до Државното правобранителство, но деталите од неговата пријава не се соопштуваат.

BREAKING: As seen in the video below, Fernando Villavicencio, the right-winged candidate running for President of Ecuador, has just been assassinated during a presidential rally in Quito. He was reportedly shot 3 times in the head.

Villavicencio has reportedly died on the… pic.twitter.com/J4HfSjDbBX

— Ed Krassenstein (@EdKrassen) August 10, 2023

Вилависенсија бил под тешки критики од опозициските политичари за попречување на процесот на импичмент на Ласо оваа година, по што биле распишани предвремени избори. „Денес, повеќе од кога било, се повторува потребата да се дејствува силно против криминалот. Господ да го чува во негова слава“, напиша Јан Топиќ, претседателски кандидат.

Претседателката на Националниот изборен совет (ЦНЕ), Дијана Атамаинт, исто така во средата објави дека неколку членови на тоа тело, одговорно за следење на гласањето, добиле смртни закани.