Во Дебар денеска, еден ден пред утрешниот втор круг од изборите за градоначалник гласаа болните и изнемоштени лица кои поднеле барање гласачкото право да го остварат дома.

– Правото на глас денеска го остварија 60 лица, две не гласаа, додека едно не беше запишано во избирачкиот список. Станува збор за 40 лица повеќе од првиот изборен круг, кога гласаа 20 болни и изнемоштени, рече Јованка Јосифовска, потпретседателка на Општинската изборна комисија во Дебар.

Ниту за првиот, ниту за вториот изборен круг, до Комисијата не било пријавено ниту едно заразено лице со ковид-19 или во изолација.

Во Избирачкиот список во општина Дебар се запишани 19.211 лица. Во првиот круг правото на глас го оствариле околу 42 отсто од запишаните.