Во Зоолошката градина во Битола угина нилскиот коњ Берта што беше донесен од Скопската зоолошка градина, соопштија надлежните.

„Вчера семејството на Зоолошка градина Битола го напушти Берта, нашиот нилски коњ. Берта беше омилена радост на најмладите наши гости повеќе од една деценија. Пред да се пресели во нашата ЗОО Градина, Берта близу 40 години се дружеше со жителите и посетителите и на зоолошките градини во Скопје, Белград и во Виена, од каде и потекнуваше“, се вели во објавата.

„Овој наш жител има свои потомци во ЗОО градините во Виена, Белград и Скопје. И покрај длабоката старост Берта одржуваше солидно здравје кое и покрај континуирана нега и терапија од нашиот ветеринар, сепак не можеше многу, против природниот крај за овој животински вид, кој на оваа возраст е неизбежен. Тимот на ЗОО Битола веќе презема чекори современото живеалиште на нилскиот коњ да стане дом на нов наш жител, нов пријател на нашите посетители“, велат од зоолошката градина.