Шеснаесеттиот ден од руската инвазија на Украина. Руските тенкови стигнаа до североисточните порти на Киев, а неколку градови, вклучувајќи ги Луск, Ивано-Франковск и Дњепар, претрпеа жестоки гранатирања.

Дњепар беше гранатиран за прв пат од почетокот на инвазијата, а во нападите има и жртви.
Руските напади продлжија и во градот Харков каде руските сили ја погодија психијатриската болница во овој град , соопштија локалните власти.

„По военото злосторство во Мариупол, денеска непријателот директно ја погоди психијатриската болница Оскол“, напиша на својот канал Телеграм Олех Синегубов, шеф на регионалната државна управа во Харков.

Город-герой Харьков🇺🇦 теперь выглядит так.😡 Российская агрессия уже нанесла ущерб инфраструктуре Украины по меньшей мере на $100 млрд.🤔 pic.twitter.com/eFj5unFA6B

— Alexander (@avaza1972) March 11, 2022

Скај њуз јавува дека се уште нема податоци за жртви, но дека во болницата имало 330 лица. Скај наведува дека овие тврдења се уште не се независно потврдени.

Харков веќе 16 ден е целосно опколен од руските сили и секојдневно е гранатиран
Според многумина очевидци од теренот, Харков наликува на чеченскиот град Грозни кој во деведесетите години на минатиот веле беше целосно разурнат во војната на чеченските сепаратисти со Руската армија