Електронски цигари, загреан тутун или класични цигари – дилемата сѐ почесто се отвора меѓу пушачите, а и меѓу непушачите – кои се изложени на чад во затворени простории. Иако новите производи се промовираат како „помалку штетни“, јавноста сѐ уште нема јасен став дали навистина постои побезбедна опција кога станува збор за никотин.

„Слободен печат“ ги праша граѓаните: дали сметаат дека електронските цигари се навистина помалку опасни, дали загреаниот тутун прави разлика во штетноста и каде треба да се повлече границата кога станува збор за пушење во јавни и во работни простори.

Кои се поштетни: електронските цигари или обичниот тутун?

„Електронските.“

Еден постар господин смета дека електронските цигари се поштетни поради хемиските состојки и вештачките ароми што можат негативно да влијаат врз организмот.

„Воопшто не ги поддржувам. Тоа е хемија повеќе од сѐ“, додава друг.

„Пушам и електронски и тутун. Ништо не е поздраво, ако ме прашуваш.“

Дали некогаш сте биле во ситуација некој да пуши електронски цигари во канцеларија, ресторан или во друго затворено место?

„Дури и во болница има такви што пушат, цигарата ја менуваат со електронската.“