Овој пат, микрофонот на „Слободен печат“ го презедоа двајца млади ентузијасти – Филип Аврамовски и Алекс Шалевиќ, основачи на онлајн платформата „Урбан речник“. Место каде што секој може да објасни збор што го користиме секојдневно – а ретко каде е запишан.

Сленг, жаргон, интернет-изрази, регионализми – зборови што не се учат во училиште, туку на улица, во друштво, на интернет. Дали знаете што значи зборот „шамша“ и од кој крај доаѓа – сленг е или регионален збор? А „тотка“ – ви звучи познато?