ВИДЕО: За само 3 часа повеќе од 200.000 прегледи, Хајди Клум се спрема за Ноќта на вештерките
Секоја година германската манекенка го остава светот без здив со своите необични маски, а сега сите со нетрпение очекуваат кој ќе биде нејзиниот избор на маска за оваа година.
Кога станува збор за светските sвезди, без сомнение – манекенката Хајди Клум секогаш е во центарот на вниманието за Ноќта на вештерките.
Познатата убавица многу сака да се маскира, а притоа е супер креативна. Досега ја гледавме како чудовиште, Фиона од „Шрек“, Клеопатра, Мајкл Џексон, Џесика Ребит, приказ на човечки мускули, постара дама со бастум … Секоја година таа прва открива детали при создавањето на нејзините комплексни маски на социјалните мрежи и го најавува костумот пред официјално да го видиме, така што и оваа 2020 година не е исклучок.
Клум сподели видео на Инстаграм на кое се гледа како лежи на подот од гаражата додека три лица со заштитни маски работат на нејзиниот нов костум и напиша:
– Добро луѓе, почнуваме!
Во што ќе се маскира Хајди овојпат останува да видиме…