„Songbird“ е називот на претстојниот филм кој ќе се занимава со пандемијата на коронавирусот. Ќе го продуцира неповторливиот Мајкл Беј, авторот на филмовите „Лоши момчиња“, „Армагедон“, „Трансформери“.

„Songbird“ ќе го истражува моментот на светска катастрофа и во него ќе преовладува животот во карантин кој би траел во наредните неколку години – поточно до 2024 година, кога се одвива и самиот филм. Дали следните четири ќе и го направат ова на Америка?

Трејлерот прикажува тмурна слика на блиската иднина. Звучи како дистопијски времеплов за кој никој во моментот не сака да размислува, пишува Futurism.

Бројот на мртви достигнува 110 милиони, а го предизвикал мутираниот ковид со висока стапка на смртност. И да, ова е остварување кое филмската индустрија сака да го гледате.

Get ready. The #SongbirdMovie trailer premieres tomorrow. pic.twitter.com/bvl67bynug

— Songbird (@Songbird) October 28, 2020

Тоа што никој нема да го изненади е тоа што во средината на оваа тема постои и љубовна приказна.
– Како Ромео и Јулија, само што се одвоени со влезни врати и вирусот, изјави за EW еден од режисерите, Адам Мејсон, а вториот режисер е Сајмон Бојс.

Според соопштението за медиумите, протагонист во приказната е еден работник кој стекнал редок имунитет, кој го игра тинејџерскиот срцекршач Кеј Џеј Апа од „Riverdale“.

Продукцијата беше започната на 8 јули оваа година во Лос Анџелес, а филмот е снимен за само 17 дена.

Се поставува едно важно прашање: За кого е направен овој филм?