Венецуелскиот министер за внатрешни работи и правда, Диосдадо Кабело извести за заплена на седум тони наркотици во првите 13 дена од 2026 година и увери дека „во овој момент не поминува дрога низ Венецуела“, земја која минатата година беше обвинета за трговија со дрога од страна на американскиот претседател Доналд Трамп.

„Овде нема да поминува никаков кокаин, марихуана или која било друга дрога што државата може да ја запре по својата рута“, изјави министерот на прес-конференцијата што ја емитуваше државниот канал Venezolana de Televisión (VTV).

Toj објави заплена на огромна пратка дрога од 6.850 килограми. Со овој резултат, венецуелската држава достигна вкупно 7.148 запленети килограми само во првите 13 дена од јануари, нагласи министерот.

За време на својот говор, Кабело детално објасни дека „главната пратка се состоела од 238 големи пакети, кои содржеле вкупно 14.280 пакети“, пишуваат венецуелските медиуми.

Кабело прецизираше дека операцијата резултирала со заплена на 6.850,41 килограми нелегални супстанции. Пратката се состоела од 14.199 пакети марихуана (6.758,66 кг) и 81 пакет кокаин (91,75 кг).

@diosdadopsuv♬ sonido original – Diosdado Cabello Rondón

„Ова е голем удар врз наративот што вели дека Венецуела го олеснува шверцот. Ниту кокаинот, ниту марихуаната, ниту која било дрога што државата може да ја запре по патот нема да помине оттука“, изјави Кабело, нагласувајќи дека секоја заплена претставува „отстранување на пречка“ за криминалната логистичка структура.

Министерот за внатрешни работи повтори дека „многу мал“ процент од дрогата поминува низ Венецуела и ги посочи Колумбија и Еквадор како главни земји за трговија со дрога во регионот, наведувајќи дека вториот „е најголемиот дистрибутер на дрога во светот “.

„Се одгледува во Колумбија, се испраќа од Колумбија во Еквадор, а Еквадор е најголемиот дистрибутер на дрога во светот, благодарение на поддршката што ја има во институциите на сегашната влада на Еквадор, тие имаат контрола врз царината и имаат контрола врз компаниите за извоз на овошје, и така ги испраќаат своите наркотици во светот“, рече тој.

Сепак, тој инсистираше дека венецуелските власти не ја занемаруваат „ни за момент“ својата борба против трговијата со дрога и истакна дека 2025 година била „многу успешна“ година, во која тие задале „решителни удари“.

Од минатиот август, САД распоредија воени бродови во меѓународните води на јужниот дел на Карибите, тврдејќи дека се борат против трговијата со дрога, а Каракас ја осуди операцијата како „закана“ за промена на режимот.

На 3 јануари, американските трупи го нападнаа Каракас и три други држави и ги заробија претседателот Николас Мадуро и неговата сопруга Силија Флорес , кои сè уште се во притвор во Соединетите Држави.