Русите тврдат дека шефот на руските платеници „Вагнер“, Евгениј Пригожин загинал синоќа во приватен авион во близина на Москва, точно два месеци по неговиот неуспешен бунт против руското воено раководство.

Каналот „Греј зона“ на Телеграм, кој е поврзан со платеничката војска на Пригожин, „Вагнер“, тврди дека авионот бил соборен намерно. Дека Пригожин е убиен беше објавено и на каналот Телеграм поврзан со Вагнер.

„Но и во пеколот ќе биде најдобар. Слава на Русија!“ се додава на мрежата што Пригожин обично ја користел за споделување видеа.

"Many discussions of what Wagner will do in this situation. We'll say one thing – we're starting off. Expect us!" – reported announcement of Wagner PMC. pic.twitter.com/pzfB5ZO2CT

— Anton Gerashchenko (@Gerashchenko_en) August 23, 2023

По неговата смрт, се поставува прашањето што понатаму ќе прави „Вагнер“. „Се чини дека одат кон одмазда“, пишуваат утрово корисници на социјалните мрежи. На каналите на Телеграм и социјалните мрежи е објавено видео во кое „вагнеровците“ ја најавуваат одмаздата.

„Многу се зборува за тоа што ќе направи Вагнер во оваа ситуација. Ќе кажеме едно. Веќе сме на пат. Чекајте нѐ“.