Денеска во рамките од четвртото коло во втората Бундеслига составот на Шалке загуби на гостувањето кај Регенсбург со 4:1.

За Шалке дебитираше Дарко Чурлинов кој доби шанса од клупата и истата ја искористи на крајот запишувајќи една асистенција.

Потсетување дека македонскиот репрезентативец Чурлинов оваа сезона ќе игра на позајмица во Шалке од редовите на Штутгарт.

Нашиот играч настапи од 62 минута, а при негатива од 3:0 убаво му асистираше на Тероде кој од непосредна близина ја затресе противничката мрежа.

Ова е секако оставање на добар впечаток од Чурлинов пред грчкиот тренер Грамоцис кој можеби ќе му даде шанса на Македонецот да настапи веќе како стартер на следниот лигашки меч за седум дена дома против Дизелдорф.

После четири кола Шалке кој во минатото го гледавме како редовен учесник во најсилната Бундеслигата, сезонава после четири кола не започна најдобро на патот кон враќање во елитата. Има два порази, едно реми и една победа со четири освоени бодови на 12 место.