ВИДЕО: Туристичките водичи бараат протокол за работа и вакцинација

Македонски туризам
Македонски туризам / Фото: EPA-EFE/GEORGI LICOVSKI

Туристичките водичи бараат да бидат ставени во приоритетната листа за вакцинација против коронавирус, и да се изработат протоколи за одвивање на нивната туристичка дејност. Потпретседателот на Македонската асоцијација на туристички водичи Елвир Садиковиќ Вили, вели дека без вакцинален картон се плашат дека нема да можат да ја извршуваат нивната основна дејност.

-Поради природата на нашата работа ние многу често патувме. Се надевам дека наскоро ќе бидат отворени границите, но се плашиме дека без потребната имунизација нема да можеме да работиме како придружници на туристичките тури. Исто така немаме протоколи за работа, што претставува огромен проблем за нашата дејност. Туристичките водичи се цела година без работа, што ја доведува во прашање егзистенцијата на стотици семејства, вели Садиковиќ.

Туристичките водичи не се вклучени ниту во петтиот пакет на мерки.

– Покрај останатиот туристички сектор ние бевме најпогодени, а помош од државата добивме дури во октомври, односно со донесувањето на четвртиот пакет мерки. Сега повторно не заборавија, односно не не вклучија во најновиот пакет екнмски мерки за ублажување на последиците од пандемијата. На денот на туристичките водичи, 21 февруари побаравме јавно да ни одговорат зошто не сме вклучени во овој пакет мерки, но немаме никаков одговор, поради што сме многу револтирани, објаснува Садиковиќ.

Тој вели дека туристичките работници се репрезенти на државата бидеји странските гостите првиот контакт го имаат сов, а од нив учат за националните и историските богатства на државата, па оттука смета дека заслужуваат подобар третман од власта.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот