ВИДЕО | Трагедија во Италија: Се откорна глечер удри во планинари, шестмина загинаа
Најмалку шест лица загинаа кога големо парче алпски глечер се отцепи од врвот Мармоладо во источните Доломити, се лизна надолу по планината и удри повеќе од 10 планинари, објавија денеска локалните медиуми, цитирајќи Ројтерс.
– Спасувачките операции се во тек по голема ледена лавина која ги зафати планинарите – соопшти владата на провинцијата Тренто.
Алпскиот национален спасувачки корпус објави на Твитер дека најмалку пет хеликоптери и кучиња спасувачи се вклучени во потрагата по повредените планинари, пренесува агенцијата АП, повикувајќи се на телевизија РАИ.
Italy: Several dead in Alps glacier collapsehttps://t.co/tWPCMSLaVg pic.twitter.com/MEIMcrMOOM
— qwerty (@qwerty14117587) July 3, 2022
Диспечерите за итни случаи во североисточна Италија објавија на Твитер дека се верува дека околу 15 планинари се во погодената област.
This is horrible! At least 4 victims confirmed for the collaps of part of the Marmolada glacier in the Eastern Alps, Italy. https://t.co/XVbkTojcuq
— Paolo Gabrielli (@pa0l0_gabrielli) July 3, 2022
Повредените, меѓу кои и едно лице во критична состојба, се префрлени во неколку болници во регионите Трентино-Алто Адиџе и Венето, соопштија спасувачките служби.
⚠️🇮🇹 A huge block has broken away from the #Marmolada glacier in #Alps in Northern #Italy.
Impressive images, on the path that leads to the top of the Punta Rocca. It was 10°C higher than normal temperatures.
Last report says 6 dead, 8 wounded, a dozen missing. pic.twitter.com/hNc8ZN7G3N
— Other Europe 🇪🇺 (@other_europe) July 3, 2022
Мармолада, која се издига на околу 3.300 метри надморска височина, е највисокиот врв во источните Доломити, а според Алпската спасувачка служба, одвојувањето на глечерот се случило на патеката што ја користеле планинарите за да се искачат до врвот на планината, објави АП.
– Не е утврдено што го предизвикало одвојувањето на парчињата мраз, но се сомневаме дека тоа можело да се случи поради силниот топлотен бран што ја зафати Италија на крајот на јуни – изјави Валтер Милан, портпарол на алпската спасувачка служба за РАИ, пренесува американската агенција.