Уште едно одлично издание на кошаркарите на ТФТ, со нова победа на гостински терен, во Никшиќ против Сутјеска (93:88) за водство (1-0) во полуфиналето на АБА 2 лигата.

Извонредно одиграно прво полувреме имаа играчите од Тафталиџе, во кое остварија голема предност (59:41), која успеаја да ја сочуваат во второто и да дојдат до уште една голема победа, на гостински терен, која им дава две меч-топки за пласман во финалната серија на АБА 2 лигата.

Ташовски беше прв стрелец кај победникот со 28 поени, следен од Виндел Гордон и Дејвис ЏР кои имаа по 14 поени.

На спротивната страна, за црногорската екипа 17 поени беа дело на Баровиќ, а 13 имаше Мартин.

Вториот натпревар од ова серија, кој може да биде и последен (доколку македонскиот претставник го добие) е закажан за 15 април во Скопје.