Околу илјада граѓани денеска одржаа протестен марш низ улиците на Тетово, барајќи целосно расчистување на катастрофалниот пожар во модуларниот ковид-центар на 8 септември, во кој загинаа 14 луѓе. Протестот, кој беше најавен на социјалните мрежи, почна на градскиот плоштад, каде беа засадени 14 дрвца, во спомен на жртвите во трагедијата.

Демонстрантите, кои упатија пораки и носеа транспаренти испишани само на албански јазик, се упатија кон зградата на општина Тетово, која ја гаѓаа со јајца, а дел од нив извикуваа „Али, предавник“. Колоната потоа продолжи кон изгорената модуларна болница, каде беше пречекана од полициски кордон, кој не им дозволи на демонстрантите да се доближат до објектот.

Демонстрантите побараа од германските експерти целосна анализа со која ќе се утврди точно што го предизвикало пожарот.