Глумицата Тара Рид (50) тврди дека во неделата наутро била дрогирана и оставена без свест во хотел, по што итно била пренесена во болница. Вознемирувачка снимка објавена од ТМЗ покажува како ја сместуваат во инвалидска количка, а потоа ја носат на носила кон блиската клиника.

На видеото се гледа како Рид конфузно разговара со луѓето што се обидуваат да ѝ помогнат, а во еден момент речиси паѓа од количката додека обезбедувањето ја води низ лобито. На крај ја преземаат болничарите и ја однесуваат на лекување.

@tmz🚨EXCLUSIVE: Tara Reid says she was at a Chicago hotel early Sunday morning, when somebody slipped a drug in her drink and she was rendered unconscious. We obtained this video, showing Tara splayed out on a stretcher as paramedics took her to a nearby hospital. STORY AT LINK IN BIO 🔗

♬ original sound – TMZ

Според нејзиниот портпарол, инцидентот се случил во бар во хотел во Чикаго, иако точната локација сè уште се утврдува. „Тара Рид поднесе полициска пријава за инцидентот за кој верува дека е резултат на дрога ставена во нејзиното пијачка. Целосно соработува со полицијата. Во фаза на опоравување е и бара приватност во овие трауматични моменти. Апелира луѓето секогаш да внимаваат на своите пијалаци“, стои во соопштението за Daily Mail.

Што се случувало таа ноќ?

Рид објаснила дека во хотел пристигнала доцна во саботата и слегла во барот во приземјето за едно пијаче. Откако порачала, излегла да запали цигара. Во лобито забележала група јутјубери, а еден од нив ѝ се придружил надвор.
Кога се вратила во барот, забележала дека нејзиното пијачка е покриена со салфета, што ѝ било чудно – нешто што таа никогаш не го прави. И покрај сомнежот, ја тргнала салфетата и продолжила да пие.

„Следното нешто што го памтам е болницата“, изјавила.

Иако во минатото се борела со зависности, Рид за TMZ нагласила дека таа вечер испила само едно пијаче. Снимателот на видеото тврдел дека пред да пристигне брзата помош, глумецата викала: „Не знаете кој сум! Јас сум славна! Јас сум глумица!“

Исповед по инцидентот

За „TMZ Live“ Рид детално објаснила што се случило:

„Се чекирав во хотелот, испив едно пијачка и излегов да запалам цигара. Ја оставив чашата на шанк само за момент. Во предворјето имаше јутјубери, снимаа сè и атмосферата беше чудна. Кога се вратив, мојата чаша беше покриена со салфета. Помислив: ‘Ова не е мое.’ Испив уште малку… и тоа е последното што го памтам. Разбудив се во болница осум часа подоцна.“

На прашањето дали во болница ѝ направиле токсиколошки тест, таа рекла: „Не. Само ми рекоа: ‘Дрогирани сте.’ Рекоа дека сум била дрогирана во барот претходната вечер.“
Бидејќи била збунета и дезориентирана, не прашала за која супстанца станува збор.

Планира да поднесе официјална пријава и да ги прегледа снимките од надзорните камери. „Сè беше морничаво. Единствено ми олеснува тоа што бев на јавно место каде што обезбедувањето можеше да реагира. Да беше некаде на друго место… можеше да бидам силувана. Можеше да заврши многу полошо.“

Неодамна прекината врска

Со оглед на нејзината борба со зависности, водителот Харви Левин ја праша дали може да се контролира и да не пие.

„Апсолутно. Испив само една чаша вино. Не пијам жестоки пијалаци. Воопшто не очекував дека може да ми се случи нешто вакво“, одговорила.

Рид во 2008 година поминала низ рехабилитација и подоцна изјавила дека тоа ѝ го спасило животот.

Инцидентот се случува само неколку недели откако „Дејли мејл“ објави дека глумицата ја прекинала шестгодишната врска со музичкиот продуцент Нејтан Монпети-Ховар (43). Според блиски извори, врската „дошла до крај“ и станала „лоша за неа“. „Тара не седи дома и не плаче. Во одлична фаза е. Не сум ја видел толку среќна со години“, изјавил пријател.

Кус потсетник на нејзината кариера

Тара Рид стана светски позната кон крајот на 90-тите со улогата на Вики во култната франшиза „Американска пита“. Публиката ја памети и по улогите во „Големиот Лебовски“ и серијалот „Sharknado“. Учествувала и во ријалити формати како британскиот Celebrity Big Brother (2011) и Special Forces: World’s Toughest Test (2023).

Години наназад отворено зборува за неуспешните естетски операции и за медиумските шпекулации за нарушувања во исхраната, кои секогаш ги демантира. „Немам анорексија, никогаш не сум имала. Немам булимија. Се плашам од повраќање. Обожавам храна“, истакнала таа, додавајќи дека таквите гласини се форма на малтретирање.