ВИДЕО | „Спа момент за подигнување на расположението“: Џереми Ренер полека се опоравува
По тешката несреќа, која ја доживеа чистејќи снег, актерот Џереми Ренер објави ново видео со кое ги развесели загрижените фанови. Актерот на социјалната мрежа Твитер објави дека неговата мајка и сестра му дошле на гости и во објавата им се заблагодари за грижата и љубовта која му ја пружаат.
A “not no great” ICU DAY, turned to amazing spa day with my sis and mama❤️. Thank you sooooo much pic.twitter.com/pvu1aWeEXY
— Jeremy Renner (@JeremyRenner) January 5, 2023
„Болница. Спа момент за подигнување на расположението. Благодарам мамо, ти благодарам сестро, ви благодарам на сите за сета љубов“, напиша актерот со видеото на кое може да се види како лицето му е отечено од модринките кои ги добил во несреќа, а притоа е приклучен на кислород за полесно дишење.
Публицистката на актерот, Саманта Маст во изминатите денови сподели повеќе детали за несреќата.
View this post on Instagram
Несреќата се случила кога Ренер се обидувал со машина за чистење на снег да го исчисти патот од својата куќа на езерото Тахо, со цел да им го олесни патот на неговите роднини, кои ги поминале божиќните празници со него, а веќе требало да си одат дома. Тие биле покрај него во моментот кога се случила несреќата.
„Џереми има позитивен прогрес, веќе е буден, зборува и е во добро расположение. Тој ќе остане уште некое време во Одделот за интензивна нега, каде е во критична, но стабилна состојба. Тој е воодушевен од љубовта и поддршката која ја добива“, изјавила Маст за медиумите.
Портпаролот на Ренер претходно изјави за „Си-ен-ен“ дека актерот се здобил со повреди на градниот кош и нозете.
Ренер бил буден и свесен во моментот кога пристигнале лицата кои му укажале прва помош. Додека ги чекале да дојдат, неговите соседи први му помогнале, со тоа што го преврзале со крпи.
View this post on Instagram
Хеликоптерот слетал во близина на автопатот во 9.37 часот по локално време, а во 9.56 часот по локално време, Ренер бил пренесен во болница во областа Рено.
На 51-годишниот актер досега му биле извршени две операции, изјави извор близок до актерот за „Си-ен-ен“.
Балаам додаде дека властите не веруваат дека Ренер бил во алкохолизирана состојба за време на инцидентот и го нарече „трагична несреќа“.
ФОТО | Џереми Ренер се јави од болница: Премногу сум збунет, ви благодарам за убавите зборови
Џереми Ренер e во „критична состојба“ откако доживеал несреќа чистејќи снег
Изгубил многу крв: Детали за несреќата во која е тешко повреден Џереми Ренер
