Изгубил многу крв: Детали за несреќата во која е тешко повреден Џереми Ренер
Актерот Џереми Ренер (51) е тешко повреден во несреќа при чистење на снег на 1 јануари, поради што е во „критична, но стабилна состојба“.
„Можеме да потврдиме дека Џереми е во критична, но стабилна состојба со повредите што ги доби откако денеска доживеа несреќа додека чистеше снег“, изјави портпаролот за „Холивуд репортер“.
„Дедлајн“ објави дека Ренер со хеликоптер бил префрлен во болница во Рена, Невада.
Соседот на актерот сега за американските медиуми ги откри деталите од несреќата.
Имено, Ренер се обидувал со машина за чистење на снег да го исчисти патот од својата куќа на езерото Тахо.
View this post on Instagram
Тој изјавил за ТМЗ дека сечилата на машината случајно ја прегазиле ногата на Џереми, поради што тој изгубил многу крв.
Му помогнал сосед кој случајно бил лекар. Му ја преврзал ногата додека чекале брза помош.
Несреќата се случила на 1 јануари 2023 година, нешто пред 10 часот, а актерот со хеликоптер бил пренесен во болница. Изворите велат дека освен ногата, повредени се и други делови од телото на Џереми.
Извор близок на актерот откри за „Си-ен-ен“ дека актерот досега имал две операции и дека повредите се тешки.
View this post on Instagram
Портпаролот на Џереми откри нови информации. Тој раскажа дека актерот се здобил со повреди на градниот кош и нозете и рекол:
„Семејството на Џереми сака да изрази благодарност до неверојатните лекари и медицински сестри кои се грижат за него. Исто така, тие се преплавени со чувства и благодарни за големата љубов и поддршка на неговите обожаватели.“
Џереми Ренер e во „критична состојба“ откако доживеал несреќа чистејќи снег