Фудбалерите на Атлетико Мадрид со убедлив настап го потврдија билетот за осминафиналето во Лига на шампиони, откако на домашен терен славеа со 4-1 против Клуб Бриж и со вкупни 7-4 ја затворија оваа двомеч пресметка во своја корист.

Избраниците на Диего Симеоне тргнаа офанзивно од првата минута, а иницијативата вроди со плод веќе во 23. минута. Александер Сорлот ја искористи несигурната реакција на голманот Симон Мињоле и ја отвори серијата голови на „јорганџиите“.

Белгискиот состав не се предаде лесно, Хоел Ордонез донесе израмнување и накратко внесе неизвесност во дуелот. Сепак, Атлетико брзо ги врати работите под контрола.

Само што започна второто полувреме, Самуел Лино повторно ја донесе предноста за домаќините, по што следуваше вистинско шоу на Сорлот. Норвежанецот до крајот уште двапати ја тресеше мрежата на гостите, комплетирајќи хет-трик и ставајќи точка на убедливата победа.