Јаник Синер е вториот полуфиналист на Австралија Опен, италијанскиот тенисер денеска во четвртфиналето беше подобар од Андреј Рубљов со максимални 3:0 во сетови (6:4, 7:6, 6:3).

Четвртфиналната борба траеше два часа и 41 минута. Италијанецот го доби првиот сет со 6:4, меѓутоа потоа се соочи со проблеми во вториот дел од мечот. Рубљов стигна до дури шест брејк-шанси, но не ги искористи.

И во тај-брејкот Русинот беше блиску да го освои сетот бидејќи поведе со 5:1. Сепак, тогаш следуваа шест поени во низа за италијанскиот тенисер со кој го освои сетот и поведе со 2:0. Тие моменти веројатно беа одлучувачките во мечот.

From 5-1 down in the tiebreak, Jannik Sinner rallies off 𝟔 𝐏𝐎𝐈𝐍𝐓𝐒 𝐈𝐍 𝐀 𝐑𝐎𝐖 to win the second set over Andrey Rublev! 🤯🤯#AusOpen pic.twitter.com/9o3MRO1ZKA

— Eurosport (@eurosport) January 23, 2024

На стартот на вториот сет Рубљов одново имаше можност за брејк, меѓутоа повторно не ја искористи приликата. Синер до брејк стигна во шестиот гем и така го трасираше патот кон победата за прво полуфиналето на Австралија Опен.

Во полуфиналето Синер го чека Новак Ѓоковиќ кој денес претходно беше подобар од Тејлор Фриц. Ќе потсетиме Ѓоковиќ и Синер одиграа два одлични меча кон крајот на 2023 година на завршниот турнир во Торино. Синер таму го победи Ѓоковиќ во групната фаза, но Ѓоковиќ славеше неколку дена подоцна во финалето.

ФОТО+ВИДЕО | Ѓoковиќ изгуби сет, но обезбеди ново полуфинале во Мелбурн