Најдобриот светски тенисер, Новак Ѓоковиќ обезбеди ново полуфинале на Австралија Опен откако денес во еден интересен мече беше подобар од Американецот Тејлор Фриц со 3:1 во сетови (7:6, 4:6, 6:2 и 6:3).

Од самиот старт на теренот гледавме големба борба на двете страни. Ѓоковиќ изгледаше подобро во најголемиот дел од мечот, но откако не искористи дури осум брејк топки мораше да се извлекува на крајот кога спасуваше две сет топки.

Сетот на крајот отиде во тај-брејк каде што уште еднаш го покажа својот квалитет и со 7:3 дојде до водство од 1:0. Имаше Ѓоковиќ проблем со брејк топките и во вториот сет каде што не искористи уште седум, а Фриц претходно направи брејк.

Во тој втор сет Фриц беше подобриот на теренот и со 4:6 успеа да го освои и така најави возбудувања во продолжение. Ѓоковиќ во третиот и четвртиот сет одново го подигна нивото на својата игра и не дозволи изненадувања.

Клучниот момент на мечот можеби беше шестиот гем кога Ѓоковиќ освои поен на сервис на Фриц и поведе со 4:2, иако веднаш Фриц го врати брејкот, Ѓоковиќ беше одличен и во слетниот сет, со нов брејк си го трасираше патот до победата.

#Djokovic 🎾
The champ through to semi-final 👏👏👏 #AO2024 | #AO24 pic.twitter.com/JVVXFUozxZ

— -🇦🇺|🇺🇲- (@KINGDEMANACATOS) January 23, 2024