Непријатен инцидент се случи за време на одбележувањето на Денот на шпанските вооружени сили во градот Виго, кога националното знаме падна за време на церемонијата на негово подигнување, во присуство на кралот Фелипе Шести, јавија локалните медиуми.

Инцидентот се случил додека кралот и престолонаследничката Леонор оддаваa почит за време на свечениот чин. На снимките објавени на социјалните мрежи се гледа како знамето ненадејно се откачи и падна на гардистите кои стоеја под јарболот.

Настанот брзо стана вирален на социјалните мрежи, каде што корисниците масовно споделуваа снимки и коментари, најмногу за налутениот и разочаран израз на лицето на кралот во тој момент.

🇪🇸 Se cae la bandera de España durante su izado en el Día de las Fuerzas Armadas: así reaccionó el rey Felipe VI: pic.twitter.com/FZzFZiieSB

— Alerta Mundial (@AlertaMundoNews) May 30, 2026

Церемонијата беше дел од централната прослава на Денот на вооружените сили, на која учествувале околу 3.700 војници, десетици воени возила и авиони.

И покрај незгодниот момент, програмата продолжи без прекин, а шпанските власти засега не соопштија дали причината за падот на знамето била технички дефект или човечка грешка.

Чудо во пештера во Лаос: По 10 дена, заробени луѓе сами излегоа од подземната стапица