ВИДЕО: Сергеј за балканските музички кралици Северина и Лепа Брена – Фатаморгана и фантастична
Во новото издание на емисијата за мода и убавина Sergej Reinvented многу нови совети овој пат за прајмерите за лице, што треба да знае секоја дама која обожува да се шминка.
Изборот на најдобри прјамери го направи Сергеј од неколку понудени производи кои се кај нас во продажба со совет: подобро нешто отколку ништо како подготовка на лицето за шминкање.
Во делот на светската мода, Сергеј се осврна на брендот Валентино и нивното заштитно лице Зендеја која изгледа феноменално во новите модели на овој светски моден бренд.
Сергеј го коментираше и изгледот на бремената поп пејачка Ријана за која, низ неколку примери, рече дека изгледа мега кул.
Посебен акцент Сергеј стави на балканските музички ѕвезди Северина и Лепа Брена. Едната според него е едноставно фатаморгана, а другата која со децении опстојува на музичката сцена е феноменална и им вети на гледачите дека повеќе ќе ѝ се посвети во некоја од наредните емисии.
Покрај модните икони, Сергеј се осврна и на модните катастрофи кои се обидуваат кај македонските следачи да се наметнат како модни инфлуенсерки, а всушност, според модниот гуру тие се „тешки модни катастрофи“ поради лошите модни комбинации, лошиот стајлинг, фризури и шминка.
Како да изгледате ултра модерно со металик „спејс лук“ презентираше Сергеј преку неколку модни комбинации за секој ден.
За крај, како и секогаш Сергеј отворено и искрено одговараше на поставените прашања. Погледнете што ги интересираше гледачите и што им одговори Сергеј;